A comisión de festas de Santa Comba presentou o seu cartel de festexas para celebrar o Corpus, San Xoán e as Festas Patronais de San Pedro.
Corpus Christi e San Xoán
A programación arrancará o domingo 7 de xuño coa misa e procesión do Corpus Christi, acompañadas pola actuación dos Gaiteiros da Baña e unha sesión vermú e tardeo con Laura Añón, JJ Compota e Ángel Sevilla. A xornada rematará coa actuación da disco móbil Full e DJ Expósito.
As actividades continuarán o martes 23 de xuño coa tradicional sardiñada de San Xoán, seguida dunha cacharela e dunha verbena coa disco móbil CDC.
Pregón coas Gandeirías do Xallas
O venres 26 celebrarase unha foliada coa Asociación Cultural Axio Mouro e o pregón das Gandeirías do Xallas. Pola noite haberá verbena coas formacións La Fórmula e Macro CDC.
Sábado con Panorama city e Fuego
O sábado 27 de xuño contará con pasarrúas da charanga Os Celtas, sesión vermú coa propia formación e actuación da orquestra Fuego.
Ademais, ás 18.00 horas disputarase en Fontenla o encontro entre unha selección de Veteranos do Xallas F.C. e as Lendas do Real Madrid C.F. en homenaxe a Doro.
Pola noite celebrarase unha verbena coas orquestras Fuego e Panorama City, ademais da disco móbil CDC.
Máis festa en Santa Comba
O domingo 28 incluirá misa para toda a parroquia, pasarrúas cos Cabezudos Papamoscas e Santa Combers e sesión vermú, tardeo e verbena coa formación Los Españoles e a disco móbil Impacto.
O luns 29 haberá pasarrúas co Grupo de Gaitas Santa Combers, misa e procesión na honra a San Pedro e sesión vermú co grupo M3-Show. A verbena estará protagonizada pola orquestra Finisterre e o grupo M3-Show.
As festas rematarán o martes 30 de xuño cunha misa na honra a San Antonio e unha sesión vermú co Trío Alborada.
