En Tol Sarmiento, Dakidarría, Los de Marras, Che Sudaka ou De Ninghures son algunhas das referencias musicais da XIX edición do Asalto ao Castelo de Vimianzo, que se celebrará os vindeiros días 3 e 4 de xullo.
Na fortaleza soneirana tivo lugar a presentación do evento coa participación do Patrimonio da Deputación da Coruña, Xosé Penas, da alcaldesa de Vimianzo, Mónica Rodríguez e de representantes da AC Cherinkas, AXVALSO, Terra de Soneira, do sector hostaleiro e da firma Hijos de Rivera.
O venres 3 de xullo terá lugar a cea medieval e as actuacións musicais de ULEX, Che Sudaka, Quinkillada e Yaya DJ.Xa o sábado 4 de xullo desenvolveranse diferentes actividades culturais e de lecer, entre elas a sesión vermú, a feira artesanal, o Asaltiño, as Irmandades Parroquiais e o circuíto musical. No apartado musical actuarán Coídos, O Rabelo e Nenaza, Tapa d’Orella, De Ninghures, En Tol Sarmiento, Asalto, Dakidarría, Los de Marras e Festicultores.
Non faltarán os populares Pinchos Irmandiños e a X Legua Irmandiña. A organización informou ademais de que este ano será necesaria entrada para acceder ao recinto de concertos tanto o venres como o sábado, e anunciou que a venda das entradas para a XV Cea Medieval comezará o vindeiro 28 de maio.
