A veterana banda bergantiñá Tálesien está entre os tres grupos finalistas da categoría Metal dos prestixiosos Premios Martín Códax da Música.
Recentemente estrearon o visualizar do seu novo tema “Volver” que é a primeira canción gravada en galego polo grupo formado por Javi García (vocalista), Juan Carlos Cotelo e Manu Brandariz (guitarras), Isma Vidal (teclados), Iván Couto (batería) e Jorge Sobrino (baixo).
“Estamos moi contentos por ser finalists e esperamos contar co apoio da xente” comentouJuan Carlos Cotelo, en referencia á fase de votación que acaba de iniciarse. Ligazón para votar.
Finalistas XIII Premios Martín Códax
Os Premios Martín Códax da Música deron a coñecer os finalistas da súa 13ª edición, que se celebrará o vindeiro 27 de maio no Pazo da Cultura de Pontevedra, cun total de 57 artistas e proxectos seleccionados nas distintas categorías.
A relación de finalistas, escollidos polo xurado, inicia agora a fase de votación antes da gala final.
Na categoría de Metal e Heavy figuran Urko, Keepers e Tálesien; mentres que en Canción de Autor/a compiten Antía Muíño, Sangre de Muérdago e Zeltia Irevire.
En Blues, Funk e Soul están Sabela Cereijo, Allo Negro e Guilherme Zapata; en Electrónica, Galician Army, Kike Varela e Loch; e en Rock e Punk, Loita Amada, Broken Peach e Stoned at Pompeii. En Músicas Urbanas optan ao premio Hugo Guezeta, Habló Pablo e Lumedollop.
Na categoría de Orquestras, Grupos e Música de Verbena aparecen Lamatumbá, Orquestra Bravú Xangai e La Fórmula. En Música Clásica e Contemporánea, Alejo Amoedo, Ensemble Alletamento e María Mendoza; e en Jazz e Músicas Improvisadas, Xan Campos “Amorodios”, María Toro e Manuel Cebrián-punctum.
En Pop e Indie están Nadadora, Montedapena e Michu da Rocha; en Músicas do Mundo e Mestizaxe, Lidia India, Marta Vidal e Abril Fado Atlántico; e en Música Infantil, Paco Nogueiras, Ollo Piollo e Golfiños.
No apartado de Folk compiten Abril, Alana e Guezos; en Música Tradicional, Unto Vello, Donicelas e Carapau; en Bandas de Música Popular, a Banda de Música Municipal de Celanova, a Banda da Escola Municipal de Música de Oleiros e a Banda de Música Xuvenil de Torroso; e en Artista Emerxente, Raze, Lula Mora e Apolo18.
Nos premios Organistrum, que distinguen iniciativas vencelladas á difusión da música galega, en Comunicación e Difusión Musical figuran Galicia en Concierto, A Canle de Rodri Míguez e Fogar dos Festivais; en Festivais, Festival Arteficial, Surfing the Lérez e Festival Alternativo Millo Verde; e en Salas, Sala Capitol, A Fábrica de Chocolate e Krazzy Kray!.
