Panorama City en A Pereira // Inaugurada a praza de José Martínez Turnes.
A localidade xalleira da Pereira gozou dun San Luis especial cun xusto recoñecemento que se fixo á figura de José Martínez Turnes “Che do Butano”. Descubriuse unha placa conmemorativa no campo da festa, nun acto que contou coa presenza de familiares, amigos e veciños seus.
Interviu o alcalde Alberto Romar, uns veciños, Alberto Calvelo e Juan Suárez, e José Manuel Túñez de Espectáculos Barquiña e axente de Gaias Eventos.
Xunto co emotivo “bautizo” dunha praza co nome de Che do Butano, e como lle gustaría ao finado, A Pereira volveu a converterse nun centro de diversión e música.
Animada sesión vermú co Trío Alborada e verbena coa orquesta Panorama City no ano da súa estrea. Non defraudaron. A verbena completouse coa discoteca móbil Disketoca e DJ Matrek e coa oferta gastronómica da Pulpeira Guerra.
