O músico Ricardo Muñiz Blanco faleceu os 94 anos de idade. Un dos referentes da música en Santa Comba. Desde pequeno comezou tocando o saxofón na banda de música de Santa Comba, e formou parte da lembrada Orquesta Los Dinámicos, da Nova Charanga ou do grupo de gaitas da Terceira Idade.
Centos de partituras pasaron polas súas mans e a pesar das obrigas laborais, mantívose sempre conectado á música. Con paixón e con elegancia.
En outubro de 2023 a asociación Axio Mouro, coa colaboración do concello, organizou unha merecida homenaxe a Ricardo Muñiz(DEP), Andrés Espasandín(DEP), José Mata e Juan Ramón Abelleira.
O mestre Ricardo Muñiz, que residía en Mourelle(Montouto) está sendo velado no Tanatorio Carracedo. Sala 1. Este xoves, 24 de xullo, ás 12 do mediodía sairá do Tanatorio para celebrarse o funeral e o enterro na igrexa e no cemiterio parroquial de Santa María de Montouto.
Descansa en paz Ricardo. E segue tocando as túas melodías alá onde viaxes. Desde aquí expresamos as nosas condolencias a familiares e amigos.
FOTOGRAFÍAS- Colección de Jorge Castelo
