A xalleira-bergantiñá Sonia Calvo Álvarez presentou en Radio Xallas o poemario “Un amor de poesías” que se distribúe desde a plataforma Amazon.
Recolle textos dos últimos tempos con outros de antano. Escribir é para Sonia “unha forma de liberación, de sosego, de tranquilidade. É unha terapia” que practica “desde pequeniña” e que formaliza cando sente a chamada interior:
“É unha cousa puntual. Non é algo constante. Eu escribo por necesidade. É dicir, nun momento que se colapsa o corpo, a mente, non hai escapatoria, colles papel e lapis. É necesitas escribir”.
«Un amor de poesías»
“Un amor de poesías” xa explica ben cal é a súa esencia: “Este libro describe o sentimento do amor, plasmado dunha maneira moi intensa , e creo que bastante clara e concisa” sinala Calvo.
Considera que a mensaxe de cada texto é nítido aínda que comprende que sempre hai diferentes visións e interpretacións “e iso é bo que se miren as cousas con diferentes perspectivas”.
Son poemas íntimos de Sonia Calvo, que falan dos vaivéns emocionais, do gozo, da intensidade, da tensión e dos latexos, de todo o que entra no círculo inmenso de algo tan importante. Como diría o poeta: “esto es amor, quien lo probó lo sabe”.
Podes adquirir o libro desde este enlace
