Despois da “Mazurca de Langueirón”, os amigos de Paracetafolk, que teñen a súa base de operacións en Santa Comba, acaban de lanzar o seu novo tema ““Debaixo das cerdeiras”, unha adaptación dun tema popular de Ucraína que xa se pode escoitar nas plataformas dixitais.
A nova peza foi presentada en primicia no programa “Na Encrucillada” de Radio Xallas por 6 dos 8 compoñentes do grupo. Adrián, Xairo, Ángela, Raquel, Ángel, e Kevin falaron da actualidade e dos seus proxectos nesta entrevista que podes escoitar desde o minuto 60.
Brais e Tomás completan o elenco de Paracetafolk, que non tardarán en agasallarnos con outro tema. Haberá que estar atentas (Instagram paracetafolk.gz ).
De momento podemos gozar desta peza gravada por Manolo Dourado e composta por Ángel Mourelle
