A xalleira Amalia Blanco Pose recibiu a estatuíña que a acredita como gañadora do premio literario Camilo José Cela nun acto presidido polo alcalde de Padrón, Anxo Arca.
O galardón está dotado ademáis con 1.500 euros. A obra “No neghro da ialma” desta veciña de Santa Comba de 18 anos , foi a escolliada entre as 123 propostas presentadas.
O acto celebrouse no Paraninfo da Fundación Pública Camilo José Cela e contou tamén cun recital lírico a cargo da soprano Beatriz Vázquez Lorenzo, acompañada ao piano por Ría Garrido.
Estilo peculiar de Amalia Blanco
O xurado, presidido polo alcalde e responsable da área de Cultura, Anxo Arca, estivo composto por expertos de diversos ámbitos literarios e educativos, que destacaron a obra gañadora pola “peculiaridade do seu estilo, que emprega unha ortografía propia, e pola súa visión marxinal da sociedade”. O xurado tamén resaltou a singularidade do uso da gheada e do seseo na obra, elementos pouco habituais nos concursos literarios.
Amalia Blanco Pose explicou que No neghro da ialma é unha obra profundamente persoal na que transformou os sentimentos dunha etapa escura da súa vida en ficción.
