Hai historias que emocionan a calquera. E máis se coñeces os seus protagonistas. O inquedo Xosé Abelenda foi o culpable desta fermosa experiencia para María Mourelle.
Veu adrede desde Suíza para levar a súa tía ao programa “Quen anda aí?” da TVG. Enganada Mourelle viaxou desde Boaña de Arriba, en Castriz, ata Ordes, co seu sobriño e coa súa fiel pandeireta.
Alí conversou con Marcial Mouzo e con Juan Fuentes. Contou a súa experiencia na mina de Varilongo e a súa afición artística.E evidentemente, María Mourelle tiña que cantar. E cantou. Con 91 anos e con moita clase.
Abelenda aproveita cada segundo para facer patria. Para citar a súa terra, Grixoa de Esternande. E tamén a Boaña. E a comunidade galega no exterior. E aínda tivo oportunidade de anunciar o Festival Galiza Celta de Delémont que se celebrará o vindeiro 10 de maio.
E un detalle. Unha conversa co logotipo de Adiante Diario ben visible, o que desde aquí agradécese.
A historia de María Mourelle Martínez xa a contamos aquí. E como dixo ela: ”Este sobriño é moito sobriño”
LIGAZÓN AO PROGRAMA QUEN ANDA AÍ?- CLICK AQUÍ
Lembramos a nosa conversa con María