A Banda da Loba lanzou “Lovismo” este 17 de xaneiro. O mesmo dia tiña o pracer de conversar coa guitarrista do grupo, no programa “Na Encrucillada” de Radio Xallas.
“Estamos moi ilusionadas, moi contentas do resultado e de que o traballo que puxemos nel pagase tanto a pena” comentaba Iria do Cabo.
Un disco dun grupo que “non se ata a un estilo, pero sempre querendo facer ben as cousas. O disco está cheo de sonoridades distintas, de ritmos distintos, e penso que iso tamén é un punto a favor”.
Lovismo, un prisma do amor
E aquí temos “Lovismo”, unha expresión que para Iria é “un prisma, porque son varias caras do mesmo obxecto, do amor, neste caso. Enfocamos o amor dende varios planos, dende as sorodidades, e o amor a unha mesma, o desexo, que tamén é tan importante falar del, do amor ás novas persoas que veñen, tanto como amor romántico, como, por exemplo, ás fillas”.
Un traballo que convida á reflexión:
“Eu creo que este disco na xente pode realmente significar unha transformación, como dí o tema Lova. Unha reflexión sobre algo que temos a cotío nas nosas vidas, que é o amor, sexa o amor á parella, o amor á familia, o amor ás amigas, e reflexionar un pouquiño sobre como levamos o noso día a día”.
Un disco onde latexan versos de Rosalía de Castro, Olga Novo ou Luísa Villalta. Onde o pop convive coa bachata ou o arrolo.
O 1 de febreiro presentan “Lovismo” cun concerto na Sala Capitol de Santiago de Compostela.
Cancións do disco
Lova
Amigas
Un pelouro que roda
A bachata da gata
Agora
Estreliña riscada
Salta
Xogo de Agardar
Cruel filosofía
E o mar
Olliños
