16.5 C
Santa Comba
lunes, junio 10, 2024

Bota a andar a asociación Pro Fundación Manoel Vello

 
Nace a Asociación Pro Fundación Manoel Vello para defender o dereito de poder “vivir en galego”

 
Rexistrouse na Xunta de Galicia a Asociación Pro Fundación Manoel Vello, entidade creada para impulsar a posta en marcha de proxectos destinados a promover e fomentar o uso do galego en todos os ámbitos da sociedade.

A data do rexistro coincide co aniversario de Manoel Vello, decidido activista que dedicou toda a súa vida a fomentar o uso do idioma do país. A súa teima foi sempre “poder exercer o seu dereito a vivir en galego”, para o que colaborou con diferentes entidades de diferente índole, sociais, educativas e comerciais, ata o día do seu falecemento o pasado 17 de decembro de 2022.

Manoel Vello

Ademais da elaboración de iniciativas de promoción do uso da lingua, a asociación ten como finalidade impulsar a creación dunha fundación co mesmo nome, coa finalidade de poder levar a cabo proxectos de maior alcance e chegar alí onde a administración e as restantes entidades de promoción da lingua non están presentes.

A partir de agora calquera persoa pode facerse socia e colaborar tanto na elaboración e posta en marcha de proxectos, como na difusión das súas actividades. Xunto con facebook, instagram e twitter, a asociación está presente na rede na web https://www.manoelvello.gal/.

Tamén están convidadas todas de entidades do país a xuntar esforzos coa asociación no deseño de proxectos destinados ao fomento do uso do galego no lecer, na empresa ou administración, e en todas as franxas de idade.

Fonte- ASOCIACIÓN PRO FUNDACIÓN MANOEL VELLO

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,250SuscriptoresSuscribirte

Últimos artigos