Dúas alumnas do IES Terra do Xallas, Laura Calvo e Uxía Conde, resultaron premiadas no concurso “Mellor Xornalista xuvenil” do programa “Prensa Escuela” organizado polo xornal La Voz de Galicia.
Laura Calvo, alumna de primeiro de Bacharelato, acadou o segundo posto na súa categoría cun artigo de opinión sobre os ventres de alugueiro.
Pola súa banda Uxía Conde , de cuarto da ESO, recibiu o primeiro premio pola entrevista que lle realizou á súa avoa e na que falaba das penurias da súa mocidade, segundo informan desde o centro xalleiro.
Os traballos estiveron titorizados pola profesora de Lingua galega e literatura, Maricarme García Ares.
A entrega de premios celebrouse na sede do Museo Santiago Rey Fernández-Latorre, en Arteixo.
