No Facebook da asociación de escritores en lingua galega AELG divulgan cada semana un/ha autor/a, cunha ligazón que leva ao seu espazo no Centro de Documentación da AELG, con reportaxes fotográficas e entrevistas ao escritor. Esta semana o autor referenciado é Rafael Lema, de Ponte do Porto-Camariñas.
Autor premiado
Ademáis de varios premios a nivel nacional como investigador do patrimonio marítimo, como poeta gañou os premios Espiral Maior, Concello de Carral, Ardeiro e o accésit do Esquío no ano 2000 e 2005. Ten 22 libros publicados, a metade en lingua galega.
Entre as súas obras en galego destacan: Novelas: Flores Negras, Capitán Araña (ambas en Sotelo Blanco). Mareas Negras, O Club do Corvo Mariño (ambas en Edelvives). En poesía: Cemiterio das Gaivotas, Atlántida (ambas en Espiral Maior). Luces de N. Y. E Sete vagas ( colección Esquío de poesía), ou Alturas do Monte Pindo (Ardeiro. Concello de Negreira). O ano pasado reeditou a novela xuvenil Flores Negras.
