20.7 C
Santa Comba
lunes, julio 22, 2024

Mes do Libro no concello da Laracha

Como cada ano nestas datas, o Concello organiza un novo programa municipal para celebrar o Mes do Libro, xa que o 23 de abril é o Día Internacional do Libro. O propósito desta iniciativa é fomentar a lectura, especialmente entre os nenos.


A novidade desta edición do programa serán os obradoiros infantís de lettering, unha disciplina creativa que consiste no debuxo das letras. Van dirixidos a nenos de entre 8 e 12 anos de idade e ofrécense catro quendas, todas elas en horario de 17:00 a 19:00 horas:


• A Laracha (Casa da Cultura)
: luns 17 e martes 18.
• Caión (centro sociocomunitario): mércores 19.
• Paiosaco (centro sociocultural): luns 24.

Requírese inscrición previa, que é gratuíta, cubrindo o formulario en liña ou acudindo ao Concello. O prazo ábrese o martes 11 de abril e as prazas dispoñibles outorgaranse por orde de inscrición.


O programa do Mes do Libro tamén inclúe catro sesións de contacontos infantís.


O venres 14 será a primeira ás 18:00 horas na biblioteca de Paiosaco con Roupa tendida, a cargo de Xarope Tulú, un espectáculo que afonda na literatura de tradición oral.


O venres 21 será a quenda para Animaladas, de Teatro Calavera, a partir das 18:00 horas na biblioteca da Laracha. A narración será unha apaixonante aventura cargada de humor e música que escolma algúns dos contos máis coñecidos protagonizados por animais.


O venres 28 TrinkeTrinke Teatro chegará ao centro sociocultural de Caión a partir das 18:00 horas con A vida na selva, na que os ratos de Lonxedetodo contan o que observaron na temporada que pasaron na selva.


O programa pecharase o domingo 30 a partir das 12:00 horas co contacontos para bebés (6 meses a 4 anos de idade) Leo e as cores, de Trémola Teatro, no que se axudará aos máis pequenos a coñecer e desfrutar das cores mediante o emprego de diferentes elementos sensoriais.


En todos os casos a entrada será libre e gratuíta para o público asistente.
Ademais, o día 21 de o alumnado da escola infantil A Galiña Azul fará unha excursión á biblioteca da Laracha, onde desfrutarán do contacontos A nena e os tres osos de Migallas Teatro.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos