O vindeiro sábado 4 de marzo en Xenebra celébrase o Entroido organizado pola Irmandade Galega na Suíza, que festexa o seu 50 aniversario por todo o alto e con dúas atraccións de referencia, a orquestra Olympus e DJ Rokiño, que acaba de lanzar o seu novo tema “Coa que traio”.
Temos que armar o maior entroido xamás visto en Xenebra !
O evento terá como marco da sala Palladium de Xenebra. Haberá concurso de disfraces. Desde a organización animan a participar e non ocultan a súa ilusión:Temos que armar o maior entroido xamás visto en Xenebra!.
Hai dúas modalidades de entradas. Entrada coa cea incluida (preparada polo restaurante do Cerceda), cun prezo de 65 euros e un menú composto por empanada, ensaladilla rusa, carne asada con patacas ao forno, tarta de queixo e café, e disposición da mesa durante toda a velada. Xa están as entradas esgotadas con centos de reservas formalizadas.
Pero existe a posibilidade de asistir á festa cunha entrada de 25 euros.A apertura de portas está prevista para as 19h. Media hora despois comezará a cea. E as actuacións ás 21,30h.
Contan co apoio da Secretaría Xeral da Emigración da Xunta de Galicia, Estrella Galicia e o C.D. Cerceda de Xenebra.
