Fotos- Concello de Santa Comba
O Festival Feros Corvos do son e da palabra ofrece un atractivo calendario de actividades para este mes de setembro, despois das catro citas que se desenvolveron en Santa Comba.
A última foi unha conferencia do presidente da Asociación Shikoku Henro Tomonokai (ruta de peregrinaxe xaponesa irmandada ó Camiño de Santiago), Hirofumi Matsuoka.
María Ramos, Noriko Fukushima e Haruna Takebe
Este sábado 3 de setembro a deseñadora de tipografía María Ramos impartirá unha conferencia titulada “Tipografía, a forma da palabra”, a partir das seis da tarde na casa da cultura.
Ao día seguinte, domingo, na Biblioteca municipal terá lugar un recital poético musical con Noriko Fukushima e Haruna Takebe ó son do piano. As dúas citas serán as 18h.
Outras citas de Feros Corvos
O sábado, 10 de setembro, desde as seis tarde e na casa da cultura, a lingüista María do Carme Parafita disertará sobre “A mente multilingüe” e o domingo no mesmo lugar, pero á unha da tarde, a crítica literaria Teresa Seara impartirá unha charla baixo o título de Os feros corvos do Batallón Literario da Costa da Morte.
Ese mesmo día, o dómingo, 11 de setembro, a partir das seis da tarde, a cultura trasládase á vivenda sociocomunitaria con un recital moi atractivo de Manuel Rivas e Vertixe Sonora Ensemble titulado “En salvaxe compaña”, dirixido por Nacho de Paz e coa participación da mezzosoprano Fredrika Brillembourg,
Este ciclo cultural continúa na capital xalleira o sábado, 17 de setembro, coa intervención da poeta Yolanda Castaño e Carlos Méndez ó contrabaixo, quenes protagonizarán un recital poético musical a partir das seis da tarde na Casa do Pozo. H
O remate do festival Feros Corvos chega o domingo, 18 de setembro, ás seis da tarde na biblioteca municipal, con un recital poético musical que contará coa voz de Ismael Ramos e a interpretación ó piano de David Durán.
