A agrupación cultural Axio Mouro acadou a segunda posición no concurso de baile tradicional da 34 edición do Día de Muiñeira de Cee.
Na categoría “B”de maiores de 14 anos quedou por detrás da asociación Palacio do Rei de Palas de Rei. Na categoría “A”, ata 14 anos, gañou o grupo Pedras Miúdas de Lires-Cee. A segunda praza foi para Abeloura de Boiro.
O popular Día da Muiñeira que organiza a asociación Terra de Sena, contou coa participación dunhas 450 persoas. Sen dúbida nos últimos días veñen boas novas desde a entidade xalleira, xa que fai pouco soubemos que o gaiteiro Jorge Castelo foi seleccionado para participar no torneo Maccrimon no Festival de Lorient.
