Este venres 5 de novembro arranca o ciclo de teatro do concello de Santa Comba coa representación da obra “Castrapo” a cargo da compañía Os Náufragos Teatro, a partir das 22h (Auditorio do Multiusos, con inscrición previa a través das redes sociais do concello).
O director e autor de “Castrapo”, Gustavo del Río falou en Radio Xallas e resumiu a esencia da obra:”É unha persoa que volve a súa casa, ós seus recordos, as lembranzas de cando era pequeño. É unha viaxe, como unha especie de road-movie, pero feita no teatro, e nun tren”.
Estamos diante da viaxe de Daniel “un rapaz que volve a Galicia, as súas raíces”. En “Castrapo” non falta a animación musical máis enxebre. De todo isto falou Gustavo del Río no programa Na Encrucillada.
