6.3 C
Santa Comba
jueves, marzo 28, 2024

Venres Teatrais no concello da Laracha 2021

As artes escénicas regresan á capital municipal da Laracha coa organización dunha nova edición dos Venres Teatrais, unha das citas culturais de referencia dentro da programación anual organizada polo Concello.

O ciclo constará de cinco das pezas máis importantes do momento no panorama galego, que se interpretarán no escenario da Casa da Cultura da Laracha en todos os casos a partir das 21:00 horas.

A primeira función será este venres, 29 de outubro, con Libre como os paxaros, un espectáculo sobre a figura, o pensamento e a obra literaria da escritora galega Rosalía de Castro que percorre, tamén, os acontecementos sociais máis importantes da época. Producida por Teatro do Atlántico e protagonizada pola actriz María Barcala baixo a dirección de Xúlio Lago e co acompañamento musical de Vadim Yukhnevich, a obra vai dirixida a todos os públicos.

O venres 5 de novembro será  a quenda para Running, unha “suorenta comedia” de De Ste Xeito Producións dirixida por Esther Carrodeaguas e escenificada polos actores Sergio Macías e Stephy Llaryora, que entre os dous dan vida a un total de vinte personaxes.

A semana seguinte, o venres 12 de novembro, os coñecidos actores Luis Iglesia e Marcos Orsi chegan á Laracha co seu último espectáculo, a comedia Conexión Pingüín dirixida ao público adulto e producida por Culturactiva. A montaxe é unha reflexión cómica na que se fala da incomunicación entre os seres humanos na era da comunicación.

A penúltima cita, o venres 19 de novembro, tamén será unha comedia para o público adulto. Trátase de Castrapo, producida por Náufragos Teatro e cun elenco formado por Denis Gómez, Victoria Teijeiro e Gustavo del Río. Cóntase a historia dun escritor galego emigrado a Madrid que regresa á terra tralo falecemento do seu pai, atopándose nesa viaxe co seu pasado e a necesidade da procura das súas raíces.

O ciclo pecharase o venres 26 de novembro con Comando Comadres, un espectáculo en clave de humor para público adolescente e adulto no que un grupo de artivistas organizadas en diferentes comandos poñen en evidencia as múltiples manifestacións da violencia patriarcal e cuestionan a persistencia dos seus valores no pensamento hexemónico actual e na xestión dexenerativa dos recursos naturais. A montaxe é producida por Matrioshka Teatro e escenificada polas actrices Anabell Gago, Chelo do Rejo e María Ángeles Iglesias.

En todas as funcións o acceso do público será gratuíto ata completar o aforo máximo da sala, que actualmente é do noventa por cento da súa capacidade. As persoas asistentes deberán portar máscara facial durante todo o espectáculo.

O programa Venres Teatrais é organizado polo Concello da Laracha coa colaboración da Xunta de Galicia a través da Secretaría Xeral de Política Lingüística no marco do programa  FalaRedes, e tamén da Deputación Provincial da Coruña.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos