11.2 C
Santa Comba
viernes, septiembre 30, 2022

Toni de Seárez:”Somos xente que defende a terra a todas as horas”

Antonio García de Seárez «Toni de Seárez» sostén un facho luminoso herdado dos vellos galeguistas. O micrófono acendido daquel mítico programa “Sempre en Galicia” ideado por Alfredo Somoza,  segue activo máis de setenta anos despois. De Radio Carve a Radio Oriental.

“O segredo é o entusiasmo, as ganas. E somos moi queridos na radio (Radio Oriental) e temos un grupo de fillos e netos que garanten a continuidade” asegura Toni, que leva 42 anos dirixindo este espazo, que administra o Patronato da Cultura Galega de Uruguai.

Cada domingo as ondas de “Sempre en Galicia” ecoan por Uruguai, Arxentina e o sur do Brasil. “O noso programa non é político, é cultural. Recurrimos á música tradicional, ás novas de Galicia, temos un editorial sobre a realidade galega, entrevistas.É unha audición moi emotiva”.

Entrevista a Toni de Seárez en Radio Xallas- Desde o minuto 66

O secretario xeral para a Emigración, Antonio Rodríguez Miranda, o alcalde de Pontevedra, Fernández Lores, o director do xornal El Progreso, ou o veterano gaiteiro José Sánchez Muñiz, foron algúns dos últimos convidados. E teñen colaboradores, como o xornalista de La Voz de Galicia, Santiago Garrido.

“Para nós ser galego é unha condición moi importante. Na colectividade galega hai unha sensibilidade, somos xente que defende a súa terra a todas horas” comenta Toni de Seárez.E na conversa no programa “Na Encrucillada” saen a relucir anécdotas de Bergantiños e Xallas, da súa amizade con Eduardo Galeano, Daniel Viglietti ou Alonso Ríos.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,791SeguidoresSeguir
471SuscriptoresSuscribirte

Últimos artigos