3.1 C
Santa Comba
viernes, diciembre 2, 2022

“Cicatrices do aire” de Emma Pedreira xa está aquí

A editorial “Toxosoutos” vén de publicar “Cicatrices do aire”, a obra gañadora do XIX Certame literario de relato de aventuras “Antón Avilés de Taramancos” convocado polo concello de Noia e organizado pola revista “Casa da Gramática”.

A autora, Emma Pedreira, xa sabe o que significa publicar un libro. De feito, hai un feixe de libros dela,  de poesía e narrativa nas librarías.“É un momento que nunca deixa de emocionar. É como ter fillos, todos son especiais e todos son queridos” confesou Pedreira nunha entrevista no programa “Na Encrucillada” de Radio Xallas.

Entrevista a Emma Pedreira (minuto 30 do audio)

A traxectoria lírica desta muller deixa pegada tamén nesta ocasión:”É un libro moi poético que aproveita para contar moitas historias, con moita metáfora implícita, e que leva a imaxinar a través dos sentidos”.No propio volumen hai poemas.

“É un libro, que aínda que gañou un premio de aventuras, onde a protagonista non se move de enriba dunha pedra e debaixo dunha laranxeira, pero viaxa por tódalas épocas da historia”.“Cicatrices do aire”, conta cun excelente traballo da ilustradora Lidia Cao, tanto na cuberta como no interior.

“Mira, é que non podo contarche esta historia sen contarche un cento delas. É que diso se trata, de que sempre vivín así e non souben que outra cousa facer que contar o que me vive dentro da cabeza”.  Deste xeito comeza esta novidade editorial de Emma Pedreira.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
507SuscriptoresSuscribirte

Últimos artigos