– Xosé Manuel Lema-
Este mozo só ten 89 anos. Gaiteiro histórico que percorreu co seu instrumento as terras de Xallas, Barcala, Bergantiños. E máis alá.Como un arrieiro musical encheu coa súa música as vidas de moitas aldeas e parroquias. E iso ten moito mérito.
Porque coas súas mans Guillermo están aguantando unha bandeira de cultura. E dando un exemplo de paixón e de que xuventude está na actitude e non no D.N.I.
Segue día a día coa súa gaita. Como ti respiras ou lle botas unha ollada ás redes sociais, Guillermo Lourido, ten que toca-la gaita.E iso e o que é Guillermo. Un mozo gaiteiro. De Pazos. Da tribu dos grandes gaiteiros onde o Xallas redobra coma un tambor.E aquí está Guillermo tocando nestes días dun Entroido raro, pero onde a música non debe parar.
P.D.) Cando as cousas melloren sacarei o tambor do armario para acompañarte, formando trío con Manolo Rodríguez coa acordeón. Iso sen contar coa Foliada en Radio Xallas!!!!
