Manuel Durán volveu a súa casa radiofónica, Radio Xallas. Despois de participar no programa “Estamos Contigo” que dirixe en Radio Obradoiro e Fórmula Fun Galicia, o veterano locutor Luis Rial, o “copleiro do Cubelo” estreou o novo ano “Na Encrucillada”.
Durán Gómez recitou varios textos relacionados coa emigración, coa terra, co pobo natal do Cubelo ou incluso un de carácter autobiográfico, que conta a historia dun mozo que ten que emigrar, afrontando unha vida complexa.
Escoita a Manuel Durán desde o minuto 57
Tamén recitou un poema seu adicado a Radio Xallas e ao seu locutor Xosé Manuel Lema, que tamén leu varios poemas da súa autoría nesta emisión. Un día no que o outro convidado foi Gabriel Cernadas, un mozo de Muxía apaixoado pola historia dos naufraxios na Costa da Morte e habitual colaborador de Crónica Marítima.
