//Cristóbal Mourín//
Este mércores o programa “Na Encrucillada” remataba a súa andaina neste 2020 cun programa onde Xosé Manuel Lema se rodeaba de tres colaboradores “fixos” da súa proposta radiofónica: Rafael Lema, José Manuel Palacín e Álvaro Rodríguez.
Escoita aquí o programa de hoxe
Ademais o alcalde de Santa Comba, David Barbeira, achegouse á emisora xalleira para ofrecer a tradicional mensaxe de nadal. As noticias da comarca, as previsións meteorolóxicas, os titulares dos xornais e a música completaron esta edición do matinal.
Versos en Noiteboa
Pero Radio Xallas emitirá outra produción propia este xoves 24 de decembro, día de Noiteboa. Será a partir das 11,00h, nun programa especial conducido por Xosé Manuel Lema, no que as protagonistas serán catro mulleres poetas.
Regina Muñíz, Teresa Ríos, Tania Yáñez e Adolfina Mesa ofrecerán os seus poemas e saudarán á audiencia neste novo encontro nas ondas. Desde Radio Xallas queren agradecer a boa disposición e a colaboración destas catro artistas.
O especial poderá seguirse en directo desde o 107.5FM ou tamén por internet desde www.santacomba.es ou desde esta ligazón da nosa web.
Posteriormente o audio difundirase nas redes sociais e na plataforma Ivoox.
