V concurso de fotografía Enfocando Santa Comba
Xa se coñece o fallo do V concurso de fotografía “Enfocando Santa Comba 2020” organizado polo departamento de cultura do concello xalleiro.
O primeiro premio da categoría de fotografía foi para Fátima Muíño Blanco con “Xalleiras”, o segundo para Basilisa Romar Gesto con “Volveremos festexar porque… desta sairemos” e o terceiro para José Cuervo con “Gatiña friolera”. O xurado acordou conceder un accésit a Raquel Landeira Suárez con “O noso sol”.
Na categoría de reportaxe o premiado é Marcos Braña Vilar polo traballo “Fauna Santa Comba”.A entrega de premios será este venres 4 de decembro ás 21:00h no auditorio do multiusos. As fotografía expóñense neste mesmo espazo ata o 15 de xaneiro.
Xurado con Nuria López, Teresa Castro e Isabel Silvariño
O xurado estivo formado pola concelleira de cultura, Cristina Fajín, a dinamizadora cultural, Maribel Barreiro e por tres profesinais da fotografía: Nuria López Corgo(Amorodo fotografía), Teresa Castro(Foto Teca) e Isabel Antelo Silvariño(Foto Silvariño).
