Foi unha frase que xurdiu tomando un viño en Santiago de Compostela no cabodano da avoa de Faia. Ela dixo:“A miña avoa vendeu a burra por unha peseta, por non vela morrer na casa”.
Este foi o xérmolo do espectáculo que Apatacón ofrecerá o vindeiro luns 7 de decembro no auditorio do Multiusos(21:30h). Así o contou Vero Rilo (a compañeira artística de Faia Díaz) no programa radiofónico “Na Encrucillada” de Radio Xallas.
Entrevista a Vero Rilo- Desde minuto 82
Por unha peseta, coa voz como punto de encontro
“Por unha peseta” mestura a narración oral e a música. “A voz é o punto de encontro.É un exercicio de espirse diante da xente”. Unha proposta onde aniñan o amor, o campo, a tradición, as nosas mulleres e o erotismo.
Onde se fala “do valor das cousas”. Onde haberá momentos para os sorrisos e outros para a reflexión. Vero e Faia (Apatacón) collen o testemuño de Galeatro, que actúa o domingo, nunha ponte da Constitución marcada pola cultura segura no concello de Santa Comba.
