A compañía carballesa Galeatro presenta o vindeiro domingo, 6 de decembro, en Santa Comba o seu espectáculo “Muiñada”.Desde as 20h no multiusos xalleiro. Para conseguir unha entrada(de balde) é preciso achegarse á Casa da Cultura xalleira(de 9 a 14 h na oficina de cultura ou de 16 a 20h na Biblioteca).
“É unha obra baseada en historias que fomos recollendo de persoas que empregaban os muíños” explica unha das intérpretes, Alba Bermúdez. A intención é “achegarnos as nosas tradicións” xa que “en moitos sitios os muíños non deixan de ser unhas pedras”.
Entrevista Alba Bermúdez- Desde o minuto 65
Alba Bermúdez é unha desas persoas que se achegou a arte dramática a través do Festival Internacional Outono de Teatro (FIOT) de Carballo.”Foi onde me empecei a interesas polo teatro como espectadora” sinala.
“Muiñada” recrea un encontro nun muíño, cando dúas persoas interpretadas por Alba Bermúdez e Tone Martínez confunden unha quenda e aí comeza a historia. E o luns ás 21:30 no multiusos actuará Apatacón con “Por unha peseta”.
