O Centro socio-cultural de Paiosaco, no concello da Laracha, acolle o vindeiro domingo 1 de novembro “Polo Camiño, contos da feira”. Será a partir das 12 do mediodía, dirixido aos nenos, que só poder ir acompañados por un adulto.A iniciativa inclúese no programa de dinamización Lingüística FalaRedes.
A historia de “Polo Camiño, contos da feira” ambiéntase nunha feira tradicional onde conviven seis protagonistas que ofrecen distintos contos e cantos. A minuteira, o fistor, Pepa a Loba, Pepa das Mulas, o vendedor de tarabelas e a posticeira.
Trátase dun espectáculo para todos os públicos no que se empregan títeres de luva, marotas e títeres de táboa. A compañía teatral A Cova das Letras ofrece unha proposta baseada na tradición oral galega e noutras literaturas populares.
