O concello da Laracha celebra o “Outono de Contos”. Un ciclo que propón dez espectáculos que se desenvolven nas bibliotecas de Paiosaco, Caión e A Laracha.
Contan coa colaboración da Xunta de Galicia a través do programa de dinamización da lectura Ler Conta Moito.Nove das funcións van dirixidas a nen@s a partir dos 4 anos de idade e hai unha sesión de contacontos para bebés.A entrada é gratuíta ata completar aforo. Como medidas de seguridade, é obrigatorio o uso da máscara e cada nen@ poderá ir acompañad@ unicamente dunha persoa adulta.
O “Outono de Contos” arrancou este pasado martes en Paiosaco con David Méndez e a súa “maxia de aquí e de acolá”. Segue este venres na biblioteca da Laracha cos “Contos da bruxa Chispún” de Teatro Calavera, desde as 18h.
A oferta para este mes de setembro tamén conta coa actuación de Trinketrinke Teatro na biblioteca de Caión o vindeiro mércores, as 18h. Representará “O coelliño branco”.
Este é o cartel completo