9.1 C
Santa Comba
lunes, noviembre 28, 2022

Carlos Vieito, cando o Xallas corre polas veas

Audio coa entrevista en Radio Xallas (Desde o m 86)

– Xosé Manuel Lema – @xmlema

Carlos Vieito é un activista da lingua  e da cultura. Pero ante todo un xalleiro de pro, que presume de ter as súas raíces na parroquia de Montouto, en Santa Comba.“Levo a Santa Comba no peito. O Xallas corre polas veas”. Toda unha declaración de intencións.

Como a de pelexar polo idioma de Rosalía. E Vieito non se empregou en batallas menores. O obxectivo foi Twitter (en galego) alá polo 2011. “Conseguiuse reunir á suficiente xente para que o traduciran ao galego”.

Agora tócalle ao Instagram.” A nosa lingua vaise a manter se a xente nova a utiliza. E os mozos están nas redes sociais”. Reúne dúas características moi xalleiras. A perseverancia e a humildade.

Humilde detrás dun micrófono de Radio Xallas, emisora na que fala con ledicia, porque sabe que é a da súa terra. Humilde porque  non “vende motos” nin transmite ese ego tedioso que destilan outras persoas.

Traballa como xefe de prensa do BNG no Parlamento estatal a carón de Néstor Rego.”Ao mellor vas camiñando por un corredor e crúzaste con Pedro Sánchez” comenta.Afirma que vive con total normalidade a actividade neste centro de poder.“É todo moi normal, bastante terrenal. As veces de conversa de bar” apunta.

Sobre o congresista do BNG afirma:”Néstor Rego aparece en todas as comisións. Fai un traballo moi duro e moi intenso”.Estivo en Madrid, na explosión do coronavirus e nas negociacións para a investidura de Pedro Sánchez. Tamén durante tempo en Barcelona, onde colaborou con medios de comunicación da colonia galega e estivo nos “colexios electorais” do 1-0:”Foi a primeira vez que tiven medo real”.

Un politólogo que fai tarefas de xornalista. Que está feliz de poder resolver problemas desde o Parlamento. Un neno “raro” que con sete anos marchou de Santa Comba e chegou falando galego a Compostela. Non sei se aquel neno o acompaña sempre ou habita os campos do Xallas. Pero está claro que Carlos sempre volve.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
505SuscriptoresSuscribirte

Últimos artigos