Entrevista a Alberto Suárez, desde o minuto 90
Como outras moitas cousas, o novo espectáculo de Trío Alborada (que forman José Manuel Suárez, Alberto Suárez e Enrique Miramontes), terá que agardar.
O máis novo dos tres, volveu a Radio Xallas. A opinión de Alberto Suárez representa un auténtico sentir no panorama musical:“Nadie o viu vir, nadie estaba preparado, entrou con moita forza. Hai moita xente prexudicada, en especial o noso sector. Para o mundo da verbena coincidiu na peor época que poderia coincidir. Xa estaban as inversións feitas nos escenarios, os repertorios case listos e datas pechadas que houbo que anular”.
Novidades do Trío Alborada
De feito, o Trío Alborada estaba preparando a nova tempada “con cancións novas, un espectáculo novo de humor, e unhas reformas no escenario”. Agora toca agardar:”O futuro é moi incerto. Pero hai que ter esperanza e tamén responsabilidade individual nesta situación”.
Alberto aproveitou ben o tempo libre. Ata colleu a gaita, que tiña no armario, por banda e púxose a ensaiar. Pero tamén aproveitou as redes sociais para manter o contacto cos seguidores, e tamén, cos alumnos de acordeón que ten o seu pai máis el. “As redes sociais son unha forma de estar en contacto e de poder seguir unidos coa xente e compartir cousas”.
Agarda que a cousa mellore, e que o goberno teña en conta a este sector (tanto os que están nos palcos como todo o que hai ao redor) nas liñas de axudas.E mentras tanto, “sobrevivindo o mellor que podemos” e seguindo vencellados á música, na medida que se poida.