Xosé Manuel Lema. Entrevista con Xoque Carballal a partir da 1:10:00 de programa
Avalada polo público onde se representou e tamén por algúns premios acadados, a obra “Bernarda” chega a Santa Comba como segunda proposta do V Ciclo de Teatro que organiza o departamento de cultura do concello xalleiro.
Segundo explicou en Radio Xallas o produtor e alma máter da compañía Malasombra, Xoque Carballal “Bernarda é un espectáculo que conta a vida de tres mulleres durante a transición española en Galicia”. A historia comeza o día que morre Franco. Ese día tamén morre o home e o pai das protagonistas.
As tres mulleres son Luisa Merelas, Celia González e Esther Aja. Unha nai e dúas fillas. A matriarca “é unha muller tradicional que impón un loito rigoroso, pero ten dúas fillas novas. Ese choque xeracional é a base da historia que nos contamos”, asegura Carballal.
Desde unha óptica divertida
A hora está inspirada en “La Casa de Bernarda Alba”. Pero é un texto orixinal de José Prieto. Un argumento que resulta “moi familiar e que fara pasar un moi rato”.
Segundo Xoque Carballal, a experiencia das funcións está sendo moi positiva:”Nós tratamos todo isto dunha maneira moi divertida, sempre tiramos do humor, porque nos parece unha boa maneira de contar as historias”.
A función ten a garantía dunha compañía que xa colleitou éxito en Santa Comba con obras como “D.E.P.. unha comedia de morte”. A posta en escena tamén é de salientar nas distintas produccións da compañía pontevedresa.
