O novo disco de Luar na Lubre estará adicado ao Camiño Xacobeo.
O fundador de Luar na Lubre, Bieito Romero, desvelou durante a presentación do proxecto “Terras do Vákner” no concello de Dumbría, o titulo do que será o décimo noveno disco do grupo:”“Vieiros e vieiras. Historias de peregrinos”.
O traballo editarase para abril de 2020. “Daremos a coñecer este tipo de historias que no mundo teñen un valor importante” apuntou Romero. Todas serán pezas relacionadas co Camiño de Santiago.
.jpg)
Unha canción para as Terras do Vákner
A canción que abrirá a produción será a que está adicada ao Vákner, que se presentou nas xornadas da pasada fin de semana na súa versión musical. Pero terá letra e será cantada pola artista vimiancesa Irma Macías.
Xunto con Bieito Romero e Irma Macías, forman parte de Luar na Lubre, Antía Ameixeiras, Patxi Bermúdez, Pedro Valero, Xavier Ferreiro e Xan Cerqueiro.