Tonhito de Poi falou en Radio Xallas
Entrevista a partir do minuto 30 do audio
Heredeiros da Crus están nun momento doce e así o recoñeceu o carismático Tonhito de Poi nunha entrevista en Radio Xallas: ”Non damos crédito. É impresionante, concertos completamente excepcionais e multitudinarios, rock and roll ao maximo nivel, estamos disfrutando moito”.
Con respecto á participación este sábado no festival Rock in Xallas, asegurou que “temos moitas ganas de actuar aí. En Santa Comba vaise xuntar a fame coa gana de comer. Estamos ansiosos, deseosos, e gustosos de repartir estopa dura”.
”Nunca Heredeiros sonou tan ben na súa historia”.
Na entrevista no programa “Na Encrucillada” que presenta Xosé Manuel Lema, Tonhito de Poi foi contundente:”Nunca Heredeiros sonou tan ben na súa historia”.
Pensa que o parón de varios anos sentoulles ben:”A banda non perdeu nada da súa tolería pero está a un nivel brutal”. Tamén resaltou a conexión coa xente moza:”Enganchamos a chavalería que son os que se poñen diante das vallas do palco. Son manadas de raza loba que nos siguen por todos os lados”.
Heredeiros da Crus actúa esta sábado 7 de setembro no Rock in Xallas, acompañado por Grand Soul Band e Collón de Lola.
