Manuel Manquiña, Carlos Blanco, Isabel Risco, Pedro Brandariz e Fran Rei no ciclo de monólogos de Santa Comba.
Lembrando o seu papel en “Airbag” agárdase un ciclo de monólogos cómicos “profesional, moi profesional” en Santa Comba.Pero a traxectoria de Manuel Manquiña esténdese a unhas corenta películas, programas de televisión e tamén dálle,e moi ben, aos monólogos cómicos.
O presentador do programa “O Gato con Botas” da TVG é o primeiro convidado do ciclo RiXallas que organiza o departamento de cultura do concello de Santa Comba. Manquiña actuará este venres 6 de outubro no auditorio do multiusos a partir das 22,00h. O acceso é de balde e a diversión está asegurada.
Carlos Blanco e Falar sen Cancelas
Serán tres funcións as que completarán o potente cartel deste ano. O venres 13 de outubro chegará outro dos grandes humoristas e actores, Carlos Blanco, cos seus “mellores monólogos”.
E para rematar a edición de RiXallas un trío que tampouco desmerece en absoluto. Isabel Risco, Pedro Brandariz e Fran Rei chegarán a Santa Comba o 20 de outubro con “Falar sen cancelas”.
