Excelente degustación gastronómica no restaurante marisquería A Marquesa de Burela.
A gastronomía é sempre un punto fundamental na folla de ruta dos curiosos viaxeiros de Adiante Galicia que esta fin de semana detíñanse na mariña lucense. Entre paisaxes e distintas visitas, chegaba o momento de repoñer forzas.Coa brisa do Cantábrico moi presente, e cos barcos descansando nos peiraos, a nosa aposta era clara.Queríamos sentir ese mar rebuldeiro nos nosos padais. Almas atlánticas que buscaban o acubillo noutro océano, aínda que no mesmo país.
Non tiña demasiado mérito porque escollemos guiados polas boas referencias. Pero no Restaurante Marisquería A Marquesa de Burela, logramos o obxectivo marcado. Asistir a unha auténtica festa de sensacións e sabores mariños.Abrimos o xantar cun aperitivo que xa foi toda unha declaración de intencións do que podemos encontrar neste restaurante.Chipiróns encebolados e luras á prancha e rebozados de rape. Impresionantes.
Logo chegou o rei dos mariscos, o percebe. Racións de estupenda calidade.Unha mostra do excelente produto co que se traballa neste establecemento. Despois foi a quenda dunha parrillada de peixes en estado puro, con toda a forza do mar e da frescura na que viñan envoltos. Póker de especies. Sanmartiño, rape, linguado e rodaballo.
Toda esta potencia gastronómica reforzada por un atento servizo, unha carta completa de viños, exquisitos postres, e un local cómodo e de moderno e vistoso deseño.Dixéronnos que A Marquesa de Burela era un lugar de visita obrigada na mariña lucense. Non esaxeraron nada. Volveremos porque se o que xantamos formou parte dunha degustación inolvidable, non nós queremos imaxinar o que sentiremos cando probemos algunhas das especialidades da casa, como é a pescada rechea ou o arroz con bogavante. Por certo, todo a un prezo razoable.
