O concello de Santa Comba entrega este xoves os premios do XVIII Concurso de postais do Nadal. A gañadora foi Berta Lema Calo, alumna do colexio Inmaculada.
Santa Comba acollerá o vindeiro domingo 18 de decembro a Gala da Irmandade, un espectáculo que se conforma en torno á historia das Irmandades da Fala e que reúne a un amplo elenco de artistas, dentro do Outono Cultural da Deputación provincial.
Actuará o grupo musical Caxade, Os Quinquilláns, o Mago Teto, Mónica de Nut e Ánxela Blanco e Luís Iglesia e Xavier Deive, que xa estiveron no ciclo de teatro do concello de Santa Comba. Ademais participarán colectivos locais nunha gala dirixida pol Maquinaria Pesada, a compañía de Isabel Risco.A cita, as 19:00h, no auditorio do multiusos.
Concurso de postais
Este vindeiro xoves 15 de decembro, a alcaldesa de Santa Comba, María Pose Rodríguez, participará no acto de entrega dos premios do XVIII Concurso de postais do Nadal, convocado polo departamento de cultura, e na inauguración da exposición de postais que se presentaron. Será a partir das seis do serán no Multiusos.
Os premiados nesta convocatoria foron:
Primeiro premio- Berta Lema Calo– C.P.R. Plurilingüe Nosa Señora Inmaculada.
Segundo premio- Alexandra María Socol– C.E.I.P. Barrié de la Maza.
Terceiro premio- Roi Danza Carballo-C.R.A. Santa Comba.
O xurado decidiu conceder un cuarto premio a Vanessa García Núñez do C.E.I.P. Plurilingüe Pepe de Xan Baña. O xurado estivo composto por María Pose(alcaldesa de Santa Comba), Maribel Barreiro(dinamizadora cultural),José Manuel Parajó(psicólogo municipal) e José Manuel Vázquez(técnico de Xuventude).Como é costume o concello felicitará as festas cunha reprodución da postal gañadora.
Nadal Cultural
Xunto coa Gala da Irmandade e o concurso de postais, o Nadal Cultural do concello compleméntase coa festa protagonizada por Os Bolechas, o luns 26 de decembro desde as 16:00h no pavillón de Fontenla. E támén coa sesión da Trastenda dos Contos, o venres 30 de decembro desde as 11.00h na Biblioteca municipal.
Cabalgata de Reis
Ademais desde o concello están traballando na organización da Cabalgata de Reis. As persoas que queiran colaborar neste evento poden inscribirse no multiusos xalleiro. 981818710.