//O vimiancés Javier Miñones Trillo estreouse como actor// En breve aparecerá en tres series de televisión//
O vimiancés Javier Miñones quixo coñecer o mundo da interpretación e encontrouse cun mundo cheo de posibilidades. Comezou participando nun curso intensivo de interpretación na produtora Voz Audiovisual e ós poucos meses conseguiu intervir en series coma “Serramoura”, “Segunda Oportunidade” ou en “El final del Camino” onde xa tivo un papel de actor, interpretando a un médico xudeu, xunto persoeiros como Cristina Castaño.
Javier Miñones concedeu unha entrevista a Adiante Galicia, onde nos fala desta “experiencia positiva” nun “mundo complexo” onde hai que traballar duro e aproveitar as oportunidades.Este empresario de fontanería, que chegou a presentarse a alcalde de Vimianzo nas últimas eleccións municipais respostou así cando lle preguntamos sobre as semellanzas entre o mundo da política e das artes escénicas:”Os dous son moi competitivos e deixémolo aí”.
Miñones segue adquirindo formación, mentres prepara novos proxectos. Nos vindeiros meses teremos a ocasión de ver os seus primeiros pasos en tres series distintas de televisión. A verdade é que este actor da Costa da Morte está dando pasos moi importantes. Avanza con ilusión e esforzo. E desde aquí estaremos moi pendentes del.
