Cursos de educación de adultos ou inglés, obradoiros de expresión escrita, técnicas de estudios, matemáticas, na oferta municipal xalleira.
O concello de Santa Comba manten aberto o prazo para informarse ou inscribirse no programa de actividades educativas para este curso.
Entre a oferta para adultos destacan as clases para a obtención do título de educación secundaria de adultos(ESA) ou para obtención do título de bacharelato en ciencias sociais. E tamén as ensinanzas en competencias clave, de alfabetización de adultos e cultura xeral, español para estranxeiros ou inglés para adultos.No apartado infantil, hai obradoiros de expresión escrita, técnicas de estudio, animación á lectura, matemáticas ou de gramática. Tamén se están organizando actividades relacionadas co inglés para nenos e nenas, distribuídas en tres programas:”funny english”, “english for kids” e “working in english”.
Desde o concello de Santa Comba tamén se imparte cursos de informática e mecanografía, en distintos niveis a través da Aula Cemit, e colabórase coa oferta formativa da Aula Mentor.Pódese obter máis información sobre datas, horarios, etc no edificio multiusos en horario de tarde ou no teléfono 981818710. Con respecto o programa de cursos da Aula Mentor o contacto é 663746523 santacomba@aulamentor.es
Tamén se pode acceder ao folleto informativo na web do concello www.santacomba.es ou desde esta ligazón accede aquí.
Por outra parte a Biblioteca Municipal xalleira celebra o vindeiro sábado 22 de outubro as 11 da mañá o Día da Biblioteca cun obradoiro para nenos e nenas de entre 3 e 14 anos. Ademáis dentro do ciclo de monólogos cómicos RiXallas, este venres as 10 da noite, actuará Cándido Pazó.