//Concerto con varios grupos e recollida de 5.000 quilos de alimentos para o Banco de Alimentos// A organización correspondeu á firma galega Deleite//
A primeira edición do Festival do Leite foi un éxito e concentrou a máis de 8.000 persoas, segundo datos da organización, que asistiron ao evento desenvolvido no parque de Belvís, en Santiago de Compostela.O obxectivo do festival era reivindicar a importancia do sector lácteo. Celebrouse un concerto no que actuaron Familia Caamagno, Os Rapaces, Novidades Carmiña, Eladio e Os Seres Queridos, Ataque Escampe, ou Dávos Ría, entre outros grupos. Tamén había caras coñecidas como as de Roberto Vilar ou Xosé Antonio Touriñán, este último esforzouse en anunciar o eveneto no «Land Rober Tunai Show» do pasado mércores.
A organización correspondeu á firma Deleite, e tamén tivo unha vertente solidariacon a recollida de 5.000 quilos alimentos que se doarán á Federación Galega de Bancos de Alimentos.Os beneficios das cantinas destínanse a variaos colectivos que traballan con persoas refuxiadas. Deleite Galego é unha marca impulsada por unha trintena de gandeiros agrupados ao redor da sociedade Leite Noso. Os seus produtos están presentes nos principais establecementos comerciais e cadeas de distribución.
O Festival do Leite iniciou a súa andaina este 17 de setembro en Santiago aínda que terá carácter itinerante. Con este primeiro emprazamento quíxose agfradecer ?aos composteláns ou apoio solidariedade e comprensión que sempre mostraron cos produtores de leite non actos en defensa do sector.
