A Deputación coruñesa libera catro imaxes de Rosalía de Castro para que sexan compartidas nas redes sociais.
Catro imaxes de Rosalía de Castro están en libre circulación nunha iniciativa que explicou así a Vicepresidenta e responsable da área de cultura do organismo provincial, Goretti Sanmartín Rei:
“Son catro novas interpretacións desde catro creadoras de hoxe da que é un referente indiscutíbel da nosa cultura. Rosalía foi interpretada a través da poesía, da música, do teatro ou as artes plásticas e nós quixemos que catro ilustradoras deitasen a súa mirada sobre ela para que, como as grandes iconas do noso tempo, a súa imaxe se difundise nas redes de maneira exponencial».
As creadoras son Uqui Permui, Aurora Cascudo, Aldara Prado e Paula Mayor e as imaxes as que podes observar e compartir libremente, a continuación.