Adiante Galicia confírmase coma un dos xornais dixitais referentes no país. Con tan só seis meses de vida logrou converterse nun habitual medio informativo para milleiros de galeg@s.
Este pasado 27 de decembro o TOP-100 que publica mensualmente a web Código Cero en base as estatísticas do medidor independente Alexa, referendada o éxito do noso diario. Logo dunha subida de 23 postos Adiante sitúase no posto 93, nun Top no que figuran webs de grandes multinacionais e sitios de distinta índole, e quedaron fora outros de empresas moi recoñecidas e con grandes recursos económicos.
Consultar Top-100
A nosa cabeceira dixital está entre os 16 xornais dixitais de Galicia, compartindo un ranquin coas edicións electrónicas dos medios máis importantes e con algunhas webs, que como a nosa, teñen exclusiva presenza na rede.
Desde a dirección de Adiante Galicia queremos dar as grazas a todol@s lectores, e tamén ao pequeno grupo de colaboradores que fixeron posible que superáramos con creces o noso ambicioso obxectivo neste primeiro medio ano de vida.
Pensamos que o mellor está por vir. Ventureiro 2015