12.3 C
Santa Comba
martes, octubre 4, 2022

Filgueira Valverde e a canción da Costa da Morte

A nova de dedicarlle o vindeiro Día das Letras Galegas  2015 a Xosé Filgueira Valverde recupera unha crónica pouco coñecida, como o eminente galeguista prestou a súa man desinteresada ao estudo dun grupo de mozos da Costa da Morte que localizaron una peza musical de gran valor histórico para a comarca e para Galicia na cuberta dun libro relixioso, o dunha confraría de Ponte do Porto.

As festas parroquiais tiñan unha confraría detrás que levaba os gastos das misas, fogos e música. Así na documentación de varias confrarías temos os datos mais antigos de festas locais e da actuación de gaiteiros. E outros achados curiosos.

Nas contas da confraría do Sacramento de Ponte do Porto entre 1760 e 1826 aparecen os gastos feitos polo mordomo nos fogos e no gaiteiro que toca o dia do santo. Esta confraría aínda se mantén en pe. Tamén no libro da confraría do Rosario de Ponte do Porto encontramos pagos a gaiteiro e fogos entre 1707 a 1711. Ademais desta música popular había música sacra, ven de órgano ou de coro, nas festas solemnes.

No arquivo parroquial de Ponte do Porto encontramos a primeira canción documentada na Costa da Morte, e polo de agora inédita. Aparece nas tapas en pergameo do Libro de Bautizados de San Pedro de Leis (anexo de Ponte do Porto) e foi achada en 1990 por Rafael Lema no arquivo parroquial. A través dun amigo común e de xeito desinteresado o libro foi levado ata o investigador Xosé Filgueira Valverde, dono de moitos saberes e que prestou unha estimable contribución a localización do mais vello documento musical da Costa da Morte.

A canción foi datada no seu dia por Xosé Filgueira Valverde sobre 1650, e segundo o erudito nunha carta ao seu descubridor, “este documento ten unha notable importancia histórica, aínda que non transcendental”. Segundo Filgueira, “trátase de música gregoriana en pentagrama, cando o habitual no gregoriano é o tetragrama”. É segundo o citado investigador “unha peza do gradual do introito da feira quarto posct pascha, pero unha música distinta da que figura co Liber Usualis”. Actualmente consérvase o libro parroquial no Arquivo Histórico Diocesano de Santiago. A letra di:

Alleluia

…sederit?.

Ve

nite

benedicti patris mei, percipite regnum”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,789SeguidoresSeguir
471SuscriptoresSuscribirte

Últimos artigos