A parroquia de Alón, no concello de Santa Comba, celebra desde este venres 14 e ata o domingo 16 de agosto as súas festas, cun programa de tres xornadas que combina os actos relixiosos con sesións musicais e actividades infantís.
Venres con verbena
A primeira xornada está dedicada ao Santísimo Sacramento. Os actos comezarán ás 13.00 horas coa misa solemne, á que seguirá a sesión vermú a cargo do grupo Las Vegas. A mesma formación será a encargada da verbena nocturna.
Misas, sesión vermú e inchables
O sábado 15, xornada dedicada a Santa María, manterase o horario da misa solemne, ás 13.00 horas. A sesión vermú correrá neste caso a cargo do Dúo Arcoíris. Instalaranse ademais inchables destinados ao público infantil.
A programación pecharase o domingo 16, xornada dedicada a San Antonio e San Roque. Tamén ás 13.00 horas se oficiará a misa solemne e, a continuación, actuará o Dúo Flow na sesión vermú. Os inchables volverán estar dispoñibles para os máis novos.
