O pleno do concello de Camariñas fixo, por unanimidade, os festivos locais para o ano 2027, que serán o día de San Xurxo (23 de abril) e o da Virxe do Carme (16 de xullo).
Co voto a favor do PSOE e do BNG, e a abstención do PP, aprobouse o Plan estratéxico de subvencións 2026, que recolle as achegas económicas a entidades relacionadas coa cultura, o deporte, o comercio ou o turismo.
Iniciativas do Partido Popular
No quenda de rogos e preguntas, o Partido Popular puxo o foco en varias infraestruturas e demandou o arranxo da estrada que comunica Arou e Camelle, da vía de acceso ao campo de fútbol da Grixa en Ponte do Porto, e da rúa da Estivadiña en Santa Mariña.
Paula Mouzo Mas volveu a propoñer a compra de “baños portátiles” para prestar servicio en tódalas parroquias en festas ou eventos que o requiran.
Os populares tamén se interesaron polos fallos no subministro eléctrico en Riás, Pión, Tilleiro e Mourín, a falta de renovación dun tramo do paseo marítimo de Camariñas, as medidas previstas en relación coa calidade da auga da praia de Camelle, pola ordenaza de autocaravanas prevista a nivel comarcal e solicitou ao goberno local que responda a proposta da Xunta sobre o transporte os estudiantes das localidades de Camelle, Arou, Santa Mariña e Brañas Verdes.
Rogos e preguntas do BNG
O voceiro do BNG, Xurxo Rodríguez, pediu a cesión do espazo do parque infantil da zona educativa de Camelle para que a Xunta acometa melloras.
Solicitou mellorar o servizo de limpeza das rúas, regular a presenza de cans nas praias, e o arranxo da vía de acceso o Cemiterio dos Ingleses.
Tamén pide trasladar á Deputación a necesidade do remate das obras da estrada de Camelle a Ponte do Porto, “cos elementos de seguridade axeitados” e que se realicen arranxos na estrada principal de Camelle.
