O comedor do CEIP Plurilingüe Barrié de la Maza leva o nome do finado profesor Fernando Pintos Recarey. Así o acordou o Claustro e o Consello Escolar, para lembrar a unha persoa “que deixou unha fonda pegada en toda a comunidade educativa”.
E este venres tivo lugar o acto de homenaxe onde os fillos de Fernando descubriron a placa que loce no comedor co nome do prezado docente.
Segundo informan desde o centro, o alumnado “tivo tamén un papel destacado na homenaxe, elaborando unha emotiva montaxe de vídeo e numerosos debuxos dedicados a Fernando, nos que expresaron o cariño e a gratitude cara a unha persoa moi querida por todos e todas”.
No acto participaron o director do centro, César Ramos, o alcalde de Santa Comba, Alberto Romar, a exalcaldesa e actual concelleira María Pose, así como a familia de Pintos e membros da comunidade educativa.
