O CEIP Plurilingüe Barrié de la Maza de Santa Comba celebrou a súa novena Carreira Solidaria cunha participación superior ás cincocentas persoas entre alumnado, profesorado, familias e persoal do centro.Como novidade nesta edición, a carreira saíu por primeira vez ao exterior do recinto escolar, co obxectivo de dar unha maior visibilidade a esta iniciativa solidaria.
A recadación obtida será destinada á Fundación Barcala. A actividade contou tamén coa participación de usuarios da entidade e forma parte do proxecto de vida activa e deportiva do colexio.Nas oito edicións anteriores recadáronse máis de dezasete mil euros para fins solidarios. Desde o centro agradecen a colaboración de Protección Civil e da Policía Local de Santa Comba.
