A ilustradora infantil de Camelle Miryam Mouzo acaba de sacar a primaria aventura dun novo personaxe, Avogato. Como xa anunciamos neste medio o mes pasado, tras os primeiros álbumes ilustrados para nenos de primaria a autora traballaba na aparición das aventuras deste gato sabicheiro. Avogato sae en versión en galego e castelán. seguindo a liña do debuxo kawaii e de novo nun ambiente escolar. A autora mestura cómic e historia ilustrada de «tres amigos moi distintos unidos por un mesmo misterio» e un gato «avogado avoga todo».
Avogato, un gatiño soñador
Explica Miryam que «Avogato é un gatiño soñador e tenaz que ten un gran soño: converterse en avogado cando sexa maior. No seu primeiro día nun colexio novo coñece a Timituga, un sapoconcho tímido e pouco falador, e a Liardilla, unha esquío inquieta e despistada».
Por iso, «cando un alumno acusa a outro de roubarlle un lapis, Avogato decide investigar o caso. Avogato seguirá as pistas para descubrir a verdade e demostrar que non sempre todo é o que parece. Unha historia sobre a amizade, a empatía e a importancia de escoitar aos demais antes de xulgar».
