O presidente da asociación de Empresarios de Santa Comba, Diego Vilas e o secretario da entidade, Adrián Cancela, mantiveron unha xuntanza co Director Xeral de Consumo e Comercio, Gabriel Alén.
Un dos principais asuntos tratados nesta xuntanza foi a creación dun Centro Comercial Aberto en Santa Comba, que para Vilas sería un ente dinamizador da actividade comercial xalleira e ofrecería “moitas posibilidades” ao sector gracias ao apoio da Xunta de Galicia e as diferentes campañas que se poderían poñer en marcha provocando un “importante fluxo de xente”.
Desde a Xunta de Galicia valoraron positivamente esta iniciativa. Os representantes da asociación de Empresarios explicaron o traballo da entidade que agrupa a 197 socios de diferentes sectores pero cun importante peso do comercio.
Feira de Artesáns
Outro dos asuntos tratados foi a posibilidade de organizar unha “Feira de Artesáns” que cos novos requisitos faise viable en Santa Comba.
