O III Xantar popular de Castriz foi un auténtico éxito. Superáronse as previsións máis optimistas e xuntáronse 500 persoas nunha xornada de encontro veciñal e moita diversión.
A degustación gastronómica estivo á altura, con empanada, pulpo (rico e abundante como se prometía), churrasco e postre.
E tamén excelente velada musical con DJ Chicho e a Discomóbil CDC e a actuación de Judith Cundíns.
E numeroso público que non quixo perderse este evento que segue elevando o seu listón. “Foi impresionante” comentan desde a comisión que insistían en agradecer o apoio dos veciños de Castriz e tamén doutras parroquias.
Compartimos unha galería de fotos realizada por Vanesa
